وصفة التشاراك والعرايش والكعيكعات

عرايش وتشاراك و لكعيكعات

هذه الوصفات من اقدم الحلويات واعرقها هي العرايش وتشاراك والكعيكعات وكما لا يخفى عن الكل انهم يتحضرو بعجينة واحدة والي هي:

مقادير العجينة:

3كيلات فرينه

وكيله سمن 

وماءزهر

وماء

مع رشه ملح

الا انو في الوقت الحالي اصبحت هناك اضافات عديدة لهذة العجينه مثل الفاني صفار البيض الحليب المجفف او السايل والسكر الناعم بالرغم من هاذي الاضافات الا انو اصلها واحد ..

مؤخرا راجت في الانتربت العجينة السحريه نتيجتها روعه تاقاوها في وصفة التشارك في الصور

طريقة التعامل مع ااعجينه ..نعبرو الفىرينه ونبسوها جيدا بالسمن لازم يكون ذايب وبارد اكرر بارد او سمن طري مع رشة الملح ونرش بالما والما زهر ونجمع دون عجن ودون مبالغه في الخلط كي تتجمع نحبس قوام العجين لازم يكون طري كمية الماء وماء زهر يا كيله يا كيله غير ربع مانفوتوس ...

لازم هاء العجينة ترتاح حتى تتشرب من نص ساعه لساعه كامله 

طريقة التشكيل نظن ساهله ومتوفرة عبر الانترنيت

نروحو للحشو

مقادير الحشو:

3كيلات مكسرات مرحية مع كيله سكر ونرش بالماء زهر ونعجن مليح حتى نحسوه تعسل ويكون طري ونغلفو ونخليه يرناح

الطليه

كثير من السيدات ماينجحوش في الطليه ويقولو انها تيبس معاهم ..

وانتشرت العديد من الطليات تاع ااما وتاع لحليب والزيت اظن انها معروفه خصوصا في الانترنيت

الطليه الاصليه الى هي ببياض البيض

اكيد مع مرور الوقت اازم تيبس لانها فيها بياض بيض

الحيله هي انو لازم تعرفي كيفاه تطلي لازم تكون كوش خفيفه وليست سميكه لانها كي تكون خفيفه ماراحش تحسيها يبستلك..

اولا لازم تستعملي يدك في الطليه باه تخرجلك نتيجه مرضيه هو انك تغطسي الحلوة في الطليه وتخرجيها بجنب وتحىكيها يمين وشمال حتى نتخلثو من الكميه الزايدة وتقعد غير كوش خفيفهونخلبها تنشف على مشبك

طريقة الطلبه

2بياص بيض نخفقهم قليلا نضيف عصير ليمونه صغيرة و مغرفين زيت ومغرفتين ماء زهر نضيف سكر ناعم منخول اكثر من مرة ونخلط دون جهد بمجرد كايدخل السكر فقط ..نحبسو من السكر كي ناخذ قليل بالمغرف ونعاود نهبط لازم تتقطع الطليه نغلفها ونتركها ترتاح نص ساعه او ساعه حتى تخرج فقاعات الهوا

السكر لازم بكون ذو جودة حتى تجي طليه لامعه..وهناك تقنيات اخرى للطليه هي انو نعجن السكر مع بياض البيض حتى يولي عجينه تاقوها في وصفة لعرايش..

طريقة تسكير 

للحصول على تسكير جميل وتغطيه كليه لازم بعد مانغطس الحلوة في الماء زهر او الشاربات نحطها في السكر ونغمها كليا ونتركها من 10__15د من بعد نتخاص من السكر الزايد باليد بحنانه فقط ويمكن رش بالسكر بوايطة مصفاة

مشكلة انو السكر ييبس ..هو في الاصل موش سكر الي يبس فوق الحلو وانما هو النشا الى مخلط مع السكر هو الي يبسو لذا اختارو نوعيه جيده

الوصفات في الصور

لا تنسونا من صالح دعاكم